一連七日維園年宵終於完結啦, 唔知大家有冇買倒心頭好呢? 今年我除左行花市, 亦有幫朋友係維園開檔, 由年廿九直踩到大年初一!! 好玩就好玩啦, 但真係辛苦到不得之了~ 雖說辛苦, 不過開心!!
可能因為大家都有六千落袋嘅關係, 氣氛都幾唔錯, 凌晨5點氣溫得番8度, 但人潮依然沒有減退!! 大家都仲好精神咁黎到維園搜羅貨品。
當然, 我地成班賣野嘅, 雖然聲嘶力竭, 喉嚨嗌到又痛又沙, 但依然Super High!! 直踩到六點先收檔仲要掃埋貨先肯走人!!
可能太耐冇通頂嘅關係, 真係好唔慣好辛苦… 眼瞓就更加唔使講!! 不過既然難得撐到六點鐘, 梗係頂埋佢周圍掃平貨啦!! 收穫都唔錯架;)
P.s 做完年宵之後, 我先發覺, 我把聲原來真係堅Chok的 XD
掃完貨, 清埋埸之後, 時間已經去到七點半, 天都光左大半, 又凍又餓, 我地成班就去左飲早茶, 正野~
不過話時話, 我都未試過大年初一飲早茶, 哈哈。Anyway, 今個新年我過得好精彩! 希望大家都有個開開心心, 精彩難忘嘅新年啦!
祝大家:
新年進步!
身體健康!
心想事成!
不過最緊要嘅當然係開開心心過肥年啦!!
Happy Chinese New Year!!
三秒®
行啊 小文章
都很漂亮